يعني نقلوا اللي كملوا الخمس سنين بعد ما دخلوا بالسنة السابعة ، و كمان ضربوهن بمنية لأنن نقلوهن ، هدول كان حقهن ينتقلوا من سنتين مو من هلا ..... و مو بس لازم ينتقلوا و لازم يتحاسب اللي آخر نقلهن ، لأنو حقهن .....

يعني نقلوا اللي كملوا الخمس سنين بعد ما دخلوا بالسنة السابعة ، و كمان ضربوهن بمنية لأنن نقلوهن ، هدول كان حقهن ينتقلوا من سنتين مو من هلا .....

و مو بس لازم ينتقلوا و لازم يتحاسب اللي آخر نقلهن ، لأنو حقهن .....

يعني بيحرموكن من حقن ، و بعدين بيرجعولكن ياه ، و كمان بيضربوكن بمنية و بيسموها مكرمة .....

اللي لازم ينتقل مو بس اللي كمل الخمس سنين ، كمان كل مدرس برا محافظتو ، حاج كذب و نفاق ....

يعني هي ..... و كما نظن ..... صارت سياسة دولة .....

إذا إلك حق .... بنحرمك منو لأطوال فترة ممكنة ، و بعدين بنلزقها بضهر الوزير أو المسؤول الموجود ....و بنغير الوزير أو المسؤول .....

و بعد 3 سنين أو أكتر بنرجعلك حقك و بنضربك بمنية ، و بنقول خود هالمكرمة .....

يعني شي طبيعي إنو ينتقل اللي كمل الخمس سنين و المتزوجات ، هاد حقن ..... و السؤال اللي ضاع بالطوشة ، ليش هدول ما انتقلوا من سنتين لهلا ....؟!!!!!!

نحنا بدنا كل مدرس برا محافظتو ينتقل ..... ذكر أو أنثى ..... و متل ما لقوا لهدول شواغر بيلاقو لعهدوك ......

ليش المهندسين اللي بالتربية نقلوهن ، و مدرسي الحرف نقلوهن ، و معلم الصف نقلوهن ...... ؟!!!!

و ليش المدرسن ما بينقلوهن ..... ؟!!!!!

قال هدوك لاقولهن شواغر ..... بس المدرسين ما لقولهن .....

طيب ليش التزام معلم الصف بالخدمة برا المحافظة سنتين بس ، و ليش المدرس خمس سنين ... ؟!!!!!

طيب ليش المدرسين اللي أخدوا إجازات وقف راتبهن ، و معلم الصف ما وقف راتبهن ، ..... اسماع أخر نكتة ، قال لأنو معلم الصف ملتزمة فيه الدولة ، أما المدرس ، فمو ملتزمة فيه .....!!!!

يعني كأنو هاد موظف بوزارة ، و هداك موظف بوزارة تانية .....!!!!!

ليش مانعين نقل المدرسين لهلا ..... مشان كذبة الشواغر ، طيب أنا باختصاصي مليان شواغر ، ليش ما بيخلوني انتقل ، أنا و غيري ، بتعرف ليش ....؟!!!!

لأنو متل ما قلنا ، هي مجرد كذبة ، .....

و الله أعلم .....

يعني هي صار اسمها تناحة و يباسة راس ..... و أكل هوا هوا ...... و مجاكرة للشعب ......؟!!!!!

و حتى أسماء المنقولين خبوها بعد ما نزلت لأنو صارت الناس تقارن ، و تكشف الواسطات و الناناس اللي انتقلت ، بينما غيرهن متلهن ما انتقل .....

روح هلا على موقع الوزارة ، بتلاقيهن شالوا الأسماء كلها ..... قال اللي بدو يعرف إذا انتقل ، بيسأل و هنن بيقلولوا .....

من أهم أساليب النصب و التلاعب إخفاء المعلومات العامة و الحكومية لمنع الناس من معرفة الحقيقة ...... !!!!!

قال شو ..... لما دخلوا بالسابعة نقلوهن ..... و كمان ضاربينهن بمنية .....

بدل ما يتحاسب اللي خاطر بأرواح آلاف الناس و خلاهن يداوموا تحت الخطر مع إنن لازم ينتقلوا من سنتين ..... !!!!!

و شو مشان اللي ما انتقل ..... ؟!!!!!

مفكرين ما حدا بيعرف مئات الناس اللي انتقلوا بالواسطة و بالرشوة ، و لا صحيح ..... كما نظن ، ..... سايبة ، و ما في حدا يحاسبهتن ، فليش ما بيتلاعبو ، ..... و كما نظن أيضاً ..... شعب نايم أو منوم .....!!!!!

بس ليش ..... كما نظن ..... اسموا الوزير كبش فداء ، مو مشان ..... كما نظن ..... يمرق الفساد و يلزقوه بضهروا ..... هلا كل الفساد السابق صار بضهر وزير التربية السابق صالح الراشد ، مع إنو عبد مأمور .....

و كل الفساد القادم رح ينحط بضهر هالوزير .....

مع إنو يعني صارت مكشوفة ، مكشوفة كتير .....

يعني كل الناس بتعرف إنو النقل من عند الرئيس ، و حضرتو ما بدو ينقل ، مو متل ما قال : " لمنع التقوقع و النعزالية " ..... أو متل ما قال لأم شهيد طلبت إنو تنقل بنتها من الحسكة : " سكري عالموضوع " ......

بس لأنو مدري ليش حاطط ببالوا ما ينقل حدا ..... يمكن ... و الله أعلم ..... في بين الأساتذة شي كم أستاذ بيكرهن ، و ما بدو ينقل حدا مشان ما ينقلن ...... و إلا ليش نقل كل البشر و المهن و الفئات ، إلا المدرسين ، و غير كل الدساتير و القوانين ، إلا قانون الخمس سنين .....

مو حاسين إنو الشغلة فيها .... إنّ ..... و لماذا ..... ؟!!!!!!

يعني السؤال ، ليش خجل أم الشهيد و رفض ينقل بنتها من الحسكة ، و قلها : " سكري على الموضوع " ..... يعني لو انقتلت هالبنت أو اغتصبوها ..... شو كان قال كمان لأمها : " سكري على الموضوع " ..... ؟!!!!!

بالحقيقة هاد الي صار مع عشرات المدرسات اللي تعرضن للاغتصاب أو للقتل ، و مع عشرات المدرسين اللي انقتلوا ، ..... تسكر على الموضوع ، و كمان ما حدا سمع فيه أصلاً .....

و الله أعلم ....

و بعد ما صارت هالقصة مع أم الشهيد معروفة و منتشرة ، فكما نظن ، حاول أن يغطي على الموضوع أو أن يستبقه بإصدار قرار يسمح بنقل ذوي الشهداء ، .....

يعني لو وفر على حالو هاللفة و هالموقف و قال لأم الشهيد : " تكرمي " .... مو أحسن ....؟!!!!! ما حاج ابنها استشهد ..... كمان بنتها تغتصب و تستشهد ......؟!!!!!

الخلاصة .....

نقل ما في ...... متل ما قلنا بالأول ..... و لا تنخدع بهالنقل ، لأنو أولاً هدول حقن ينتقلوا من سنتين ، يعني لا فضل إلن و لا منية ، و الله أعلم ...... لأ و كمان لازم يتحاسبو لأنهن أخروا النقل بهيك ظروف ، أو حتى لو أخروها بظروف عادية ، بس متل ما قلنا و كما نظن ..... سايبة ..... فما في حدا ليحاسبن ، فليش ما بيعملوا هيك و أضرب من هيك ......

و كمان إذا فاضي عدّ أسماء المنقولين ، لأنو يمكن يزيدوا الأرقام وهمياً ، مشان يبين إنو نقلوا أكبر عدد ممكن ، طبعاً ، .... كما نظن ، على الورق فقط ..... و الله أعلم ....

و خاصة إنو كل مسؤول أو ضابط كبير نقل ولادوا و قرايبينو ، و ما ضل غير المواطنين نخب تاني و تالت من المدرسين بدون نقل .....؟!!!!!

و ثانياً ...... كبش الفداء جاهز ، عندك وزير التربية ، و رئيس الوزراء ، ...... أي فساد سابق أو قادم بينشلح بضهرن ، و تبدأ صفحة جديدة بيضاء ، من الإنجازات الباهرة الجديدة ، كما عودونا طوال ال 14 سنة الماضية .....

و الله أعلم .....

» ما حدا عم يعطينا راتب من جيبة أبوه .... و الراتب هيك هيك موقف ...... و اللي مفكرها بلد اللي خلفو .... ينقلع .....
» إضافة حصص درسية
» الأسباب الحقيقية لتأخير نقل المتزوجات و من أكملوا الخمس سنوات خارج المحافظة ...
» تعويضات المناطق النائية و شبه النائية...كمان فيها خيار و فقوس....؟!!!
» وزارة التربية تضغط الدوام و تقلص كل حصة خمسة دقائق بسبب الحصة السابعة أخيراً اكتشفت وزارة التربية أن هناك دوامين...